Afiiii!
Joan den urtean bezala, Baztan-Bidasoaldeko XXIV. bertsopaper lehiaketa irabazi du Aitorrek, maila nagusian Miraria Lourdesen bertso-xortarekin. Bigarren postua Ioar Taintarentzat izan da. Ttikienen kategorian ere erdi-sarrandar batek irabazi du, Dolorexek zaintzen duen Ane Telletxeak hain zuzen.
Horra Aitorren bertsoak:
Joan den urtean bezala, Baztan-Bidasoaldeko XXIV. bertsopaper lehiaketa irabazi du Aitorrek, maila nagusian Miraria Lourdesen bertso-xortarekin. Bigarren postua Ioar Taintarentzat izan da. Ttikienen kategorian ere erdi-sarrandar batek irabazi du, Dolorexek zaintzen duen Ane Telletxeak hain zuzen.
Horra Aitorren bertsoak:
Miraria Lourdesen
Doinua: Bizkaiko aberatsak
1
Lehen pekatariak
Adan eta Eva
Adan eta Eva
Jainkoak jarri zien
sagarraren prueba
mendez mende gabiltza
horren arabera
ibiliak baitira
gutxi gora behera
hiru atso lesakar
bi haien antzera.
2
Elizaren txangoa
bi urtero legez
mirarien hirira
helmugatzat Lourdes
denda batera sartu
zaizkigu tenorez
ahal zuten guztia
besazpian gordez
mantelak dakartzate
estanpiten ordez.
3
Katekesira joan
ttiki zirenean
elizara ere maiz
heldutasunean
doktrinaren jakintza
sartuz barrenean
hamar mandamentuak
bere ordenean
baina hutsegin dute
zazpigarrenean.
4
Abisua emanda
dendako semeak
autopista sarreran
Alto! gendarmeak
ez zirela gazteak
ez ziren umeak
espainol azentua
hiru emakumeak
ez zuen lan zailarik
polizi xumeak.
5
Lourdesko dendatikan
eman dute parte
"Mantel eta puntillak
gordean dakarte"
lapurrak ez direla
hemendik aparte
peskisatan hasi da
gure Bonaparte:
"hemen egonen gara
agertu bitarte!".
6
Gendarmeen oldarra
Gendarmeen oldarra
gaizki hartu dute
batek "Gabatxo!" dio
bertzeak "Frantxute!"
apeza saiatzen da:
"Mersi ta sivuplé,
hemen dena fede da,
dena da bertute"
hobe lehenbizikotik
aitortu balute.
7
Sargentoa hasi da
generoen bila
ezin askatuz dago
hango katramila
ikerketan ez baita
sobera abila
erruduna topatu
ezinik dabila:
"Eskuluzea orain
atera dadila!".
8
Lesakatik joandako
Hiruko Santuak
ezin ditu aitortu
bere pekatuak
apeza mehatxuka:
"Madarikatuak!
bukatuko duzue
gurutziltzatuak
ez badira agertzen
mantel bordatuak!".
9
Autobus barreneko
itxaronaldia
hirutako batentzat
da luzeegia
lotsa eta nekea
hain da nabaria
bi orduren ondotik
aitortuz egia
poltsa irekiz dio:
"Hau da miraria!".
10
Apezak bazituen
hainbertze komeri
ardi txuri artean
beltzak dira ageri
"Holakoak suertatu
behar zaizkit neri"
baina buelta emanda
erran du azeri:
"Hau ez dadila behintzat
hemendik ateri!".
11
Maribi, Kontxi, Lupe,
Tere, Juana Mari,
Axuncion, Pili, Txelo
edo Olegari
zein ziren ikasteko
belarriak adi
izenak xuxen jakin
nahi dituenari
galdetu Lesakako
erretoreari.
12
Lourdesetikan bueltan
badatoz honuntza
berriro izan dute
Jaunaren laguntza
baina, otoi, entzule
ez itzazu bultza
asmakizuna baita
bertso hauen funtsa
egiaren antza da
kointzidentzi hutsa.
